8 Contoh Sajak Sunda jeung cara nyieunna

Pengertian, Sajarah, Ciri-ciri, Unsur, Cara Nyieun, Contoh, Hal-hal anu kudu diperhatikeun dina maca Sajak Sunda

Sajak Sunda Pengertian Ciri Unsur Sejarah Contoh Cara Nyieun

www.extapia.com

Sajak Sunda Pengertian, Sajarah, Ciri-ciri, Unsur-unsur, Cara Nyieun, Contoh, Hal-hal nu kudu diperhatikeun dina macana. Sebenerna mah sami kénéh Pengertian jeung nu sanésna mah, janten bédana mah Sajarah aya na Sajak Sunda jeung bahasana ku Sunda eta weh hungkul anu biasana ngabédakeun Sajak Sunda jeung Sajak Indonesia atau sanésna.

A. Pengertian Sajak

Sajak nyaéta wangun karangan ugeran anu ngébréhkeun pangalaman batin panyajakna jeung teu pati ka uger ku patokan-patokanna. Upami dina pengartian KBBI mah sajak nyaéta gubahan sastra anu bentukna puisi. Sajak téh tiasa oge disebut bébas. Disebut bébas téh saenyana mah rélatif, nyaéta lamun dibandingkeun jeung puisi-puisi saheulaeunana, utamana upama dibandingkeun jeung dangding anu kabeungkeut pisan ku patokan guru wilangan jeung guru lagu.

B. Sajarah Sajak Sunda

Sajak kaasup kana karya seni sastra puisi lama. Seni sastra puisi lama salain sajak aya oge pantun, bidal, karmina, seloka, gurindam, syair, jeung talibun. Sajak Sunda gelar dina sabudeureun taun 1950. Ti taun 1946 kénéh geus aya nu nulis dina wangunan sajak, nyaéta Kis WS.

Sajak teh samemeh dibukukeun jadi kumpulan sajak sok dimuat heula dina sawatara media massa saperti majalah jeung surat kabar. Sawatara majalah jeung surat kabar basa Sunda anu sok biasa ngamuatkeun sajak sunda téh diantarana : Sipatahunan, Warga, Sunda, Kujang, Kiwari, Sari, Langensari, Hanjuang, Mangle, Galura, Giwangkara, jrrd. Buku kumpulan sajak nu munggaran terbit nyaéta Lalaki di Tegalpati karya Sajudi (1963). Kabéh dieunakeun dituturkeun ku kumpulan sajak liana, saperti Ombak Laut Kidul karya Rachmat M Sas Karana (1966), Jante Arkidam karya Ajip Rosidi (1967), Surat Kayas karya Surachman R.M. (1967), Tepung di Bandung karya Rachmat M Sas Karana (1972), Katiga karya Yayat Hendayana (1975), Nu Ngarongheap Mangsa Surup karya Eddy D Iskandar (1978), Sabelas Taunkarya Usep Romli HM (1978), Jagat Alit karya Godi Suwarna (1979), jeung Nu Mahal ti batan Inten karya Yus Rusyana (1980).

C. Ciri-ciri Sajak

Ciri-ciri sajak sunda téh aya 6 nyaéta :

- Bahasana puitis atawa aya unsur kaéndahan

- Aya Pangarangna

- Ditulis dina wangun ugeran

- Eusina mangrupa ebrehan rasa (Pikiran)

- Karya Sastra Modérn

- Karya Sastra Sampeuran (Bawaan)

Upami cara ngafalkeun méh babari, apalkeun wéh huruf awalna hungkul upami disingkat mah janten “BADE 2K” sabenerna mah kumaha cara aranjeun upami hoyong téréh katalarna mah pastina gaduh ciri khas masing-masing.

D. Unsur-unsur Sajak

Unsur-unsur sajak sunda téh aya 4 nyaéta :

- Pikiran

- Rasa

- Gaya

- Maksud

Sami ieu ogé cara ngafalkeun tos weh singkat janten “PRGM” mun ExTapia mah kitu.

E. Hal-hal anu kudu diperhatikeun dina maca Sajak Sunda

Aya tilu hal nu kudu diperhatikeun dina maca sajak sunda nyaéta :

- Cara ngajiwaan puisina

- Intonasi

- Lafal

Ieu ngan tilu paréndék deui, ngan anggeur weh ExTapia mah ngafalkeun disingkat janten “CIL”

F. Cara nyieun Sajak

Sabenerna mah nyieun sajak téh teu pati hésé teu pati babari, nya rélatif kumaha kamampuan urang masing-masing, kumargi kitu nu kudu arurang nyaho atawa apal saacan ngadambel atawa nyieun sajak nyaeta, “Elmu” upami élmuna teu acan apal mah rek nyieun sajak kumaha. Maksud elmu didieu nyaeta anu saacan anu tos ditulis diluhur ti Pengertian, Ciri-ciri Sa, Unsur-unsur Sajak Sunda, jeung sanesna. Tapi nu kudu di garis bawahi nyaeta sajak eta sorangan nyaéta “Bébas” da sajak mah bébas teu pati ka uger atawa ka iket patokan-patokan. Intina mah arurang kari milarian Tema jeung Judul, da biasana 2 éta anu jadi masalahna téh. Langsung weh kana contoh tema :

- Sajak Sunda Tema Pendidikan

- Sajak Sunda Tema Kahirupan

- Sajak Sunda Tema Kasehatan

- Sajak Sunda Tema Kasakolahan

- Sajak Sunda Tema Belajar

- Sajak Sunda Tema Kacintaan

- Sajak Sunda Tema Kasabaran

- Sajak Sunda Tema Cita-cita

Sareung saterusna; Upami males mikiran téma langsung kana judul ogé wios. ExTapia ogé biasana mun rék nyieun/ngadambel sajak sok langsung kanu judul. Tapi sok aya ogé anu hésé milarian judul, teu kudu lieur-lieur néangan judul mah, jadikeun wéh barang disakitar urang judul eta sajak. Contoh : Jam, bangku, konci, panto, sisir, tong sampah, kipas angin, buku, pulpen, meja, kasur, patlot, bal, guru, kantong. Naon wéh nu aya disakitar urang éta ogé tiasa dijadikeun judul. Contoh :

Pulpén

Karya “ExTapia”

Pulpén ….

Anjeun téh tos saparti kékasih abdi

Tiasa dianggo nyatat anu penting

Dihapus ogé moal leungit

Pulpén ....

Anjeun dibabawa unggal poé kasakola

Timimiti asup nepi uih sakola

Upami seep tinta anjeun tiasa mésér deui

Pulpén …. Ooh Pulpén ….

Anjeun tos kabaturan kuring salama ieu

Tos ngabantosan kuring nulis

Kuring bade nyuhunkeun kahatur nuhun pisan ka anjeun

G. Contoh Sajak Sunda

Contoh Sajak Sunda téh seer ngan ExTapia badé nyokot 7 wéh nyaéta : 7 Contoh Sajak Sunda dibagi deui janten 2 Contoh Sajak Karangan ExTapia jeung 5 Contoh Sajak Karangan Apip Mustopa. Aya 8 contoh mun diitung jeung nu di luhur mah.

Waktu

Karya “ExTapia”

Waktu ….

Détik démi détik

Ménit démi ménit

Waktu tuluy jalan

Waktu ….

Waktu téh moal tiasa dimajukeun

Moal tiasa ogé dimundurkeun

Komo mun diulang mah

Waktu ….

Sing éling-éling waktu téh moal tiasa diulang

Sing éling-éling waktu téh teu lami ngan sakedeng

Kumargi kitu manfaatkeun waktu téh kana hal nu bermanfaat

Tobat

Karya “ExTapia”

Jang, géra tobat aranjeun téh

Hirup didunya téh moal lila

Mun lila ogé

Emangna urang tos yakin bakal asup surga?

Jang, sing eling hirup di dunya téh ngan sakali

Hirup di dunya téh moal tiasa di ulang

Kumargi kitu, hayu urang gera tobat

Ka gusti Allah SWT anu maha pengampun

Hirup nalangsa

Karya “Apip Mustofa”

Hirup abdi asa nalangsa ….

Teu aya asana téh nu ngarasa karunya

Teu boga imah jeung teu boga harta

Saha nu hayang hirup jadi nalangsa

Tiap poe kuring sengsara, Teu aya tempat nu di tuju

Teu boga indung jeng bapa, Hirup sorangan ti leuleutik

Dimana kuring kudu aya, Tempat kuring bisa di butuh keun.

Hirup Ibarat Léngkah

Karya “Apip Mustofa”

Hirup lir ibarat léngkah suku
Sing kahade ulah saukur ngalengkah

Komo dei bari jeung dudupak
Bisi manggih beling nu bakal nyugak

Panggoda dunya tong dijadikeun alasan
Bakal urang ngalangkah jadi salah dijalan na ….

Hirup di dunya moal lila

Karya “Apip Mustofa”

Hirup di dunya ngan saukur panggung sandiwara
Ulah bisa na ngan saukur hirup poya-poya
Da di dunya mah moal bakal lila..

Dina poé anu teu di sangka-sangka, urang boa di cabut nyawa
Jadi, sing eling jeung tawakal urang sadayana
Beh hirup bagja engkéna ….

Sorangan

Karya “Apip Mustofa”

Moal kantos abdi tiasa ngungkabkeun ieu perasaan sadayana ….

Sadaya rasa anu terpendam …. Terpendam dina jiwa ….

Naha anjeun ninggalkeun kuring ..

Téga ninggakeun kuring sorangan dina kesunyian ieu ….?!

Kudu boga iman jeung takwa

Karya “Apip Mustofa”

Ayeuna urang geus nincak umur dewasa
Jadi ulah kagoda ku hawa dunya nu kadang mawa cilaka ....

Urang mémang teu kudu boga emas permata
Tapi urang kudu boga iman jeung takwa
Ajang bekel urang ngumpul engké na di surga

Kumargi sakitu dina ieu Artikel nu tiasa ExTapia sampaikeun, upami aya nu kurang kangge conto sajak tiasa komén dina atawa email ka ExTapia; InsyaAllah mun ExTapia nuju ON/OL mah langsung dibales upami henteunya antosan weh. Hapunteun ogé bisi aya salah dina panulisan ieu artikel nu judulna Sajak Sunda Pengertian, Sajarah, Ciri-ciri, Unsur, Cara Nyieun, Contoh, Hal-hal nu kudu diperhatikeun dina macana.